Բաղադրամասեր

1 կգ խնձորին՝

2 բաժակ ցորենի ալյուր,

1,5 բաժակ թթվասեր,

150 գ սերուցքային կարագ,

1 ճաշի գդալ քացախ,

1 բաժակ շաքարավազ,

½ թեյի գդալ սոդա,

1 հատ հավի ձու

Պատրաստման եղանակը

Կարագը քերել և խառնել 1,5 բաժակ ալյուրի հետ։ Ավելացնել կես բաժակ թթվասեր խմորի վրա և լավ խառնել։ Ավելացնել սոդա և ձեռքերով խառնել խմորը։ Խմորը պետք է ստացվի փափուկ և չպետք է կպչի ձեռքերին։

Խնձորը մաքրել կեղևից, կորիզից և կտրատել բարակ շերտերի։ Գրտնակել խմորը և տալ այն ձևը, ինչի մեջ պետք թխել։ Խմորը դնել ջեռոցի ամանի վրա, վրան շարել խնձորները։

Առանձին ամանի մեջ խառնել 1 բաժակ թթվասերը, ձուն, շաքարավազը և 2 ճաշի գդալ ալյուրը։ Կրեմը պետք է ստացվի ոչ խիտ։ Լցնել խմորի վրա։ Ջեռոցը տաքացնել 200 աստիճանի, թխել 50 րոպե։